Тус ордны барилга нь улсын төсвийн хөрөнгө оруулалтаар 948.6 сая төгрөгийн өртгөөр баригдаж, суманд томоохон бүтээн байгуулалт хийгдэж, төрийн албан хаагчдын ажиллах орчин нөхцөл бүрдэв. Нутгийн удирдлагын ордны нээлтийн үйл ажиллагааг 2015 оны 11 дүгээр сарын 18-ны билэгт сайн өдөр ёслол төгөлдөр хийж, төр захиргааны ахмад ажилтнууд, улс, аймаг, сумын аварга малчид, баг, албан байгууллагын дарга эрхлэгчид, ТББ-ын тэргүүнүүд, баялаг бүтээгчид, нутгийн зон олон урилгаар оролцож баяр хүргэж, шинэ ордныг мялаав. Энэ үеэр сумын хэмжээнд гар бөмбөг, сагсан бөмбөг, шатрын тэмцээн, шоу цэнгүүн зохион байгуулав. Мөнххайрхан сумын иргэдийн Төлөөлөгчдийн Хурал, Засаг даргын Тамгын газрын хамт олон шинэ ордонтой болж, ажил үүргээ гүйцэтгэх тав тухтай орчин нөхцөл бүрдсэнд чин сэтгэлээсээ баярлан талархаж иргэдэд үзүүлэх төрийн үйлчилгээг улам сайжруулан, хөнгөн шуурхай, хүнд сурталгүй, чин шударгаар ажиллах урам зоригтой байгаагаа илэрхийлэв. Тамгын газраас ажилтнуудынхаа дунд өрөөгөө тохижуулах нэг сарын болзолт уралдаан зарлав.
МӨНХХАЙРХАН СУМЫН ИРГЭДИЙН ТӨЛӨӨЛӨГЧДИЙН ХУРАЛ
МӨНХХАЙРХАН СУМЫН ИРГЭДИЙН ТӨЛӨӨЛӨГЧДИЙН ХУРАЛ
Төрөлх нутгаа “Амьдрах орчин бүрдсэн жишиг сум” болгон хөгжүүлнэ. Төрөлх нутгаа “Амьдрах орчин бүрдсэн жишиг сум” болгон хөгжүүлнэ.Нутгийн удирдлагын ордон ашиглалтанд оров
2015-11-18
